HULUBANDA

Kok jadi Adiak ka pakan,
Bao juo kulik manih den,
Takiakkan di pinggang tabiang,
Kok jadi Adiak bajalan,
Bao juo jari manih den,
Paapuih paluah di kaniang.

Pai baburu urang karimbo
Singgah sabanta ka Painan
Duduak tamanuang minum kopi
Siang jo malam taragak juo
Kamalah kasiah ka disampaikan
Cameh raso dalam hati

Putuih tarantak tali kaluang,
Ambiaklah rotan pangabeknyo,
Putuih taragak ka nan Kandung
Pai ka pakan malieknyo.

 

  Kok talantak ka dibaakan,
Pauah di dalam padi urang,
Kok taragak kadipangakan,
Dagang jauah di rantau urang.

Badabua ombak pantai Puruih
Abunyo sampai ka ulak karang
Dimalah badan indak ka kuruh
Badan dirantau taragak pulang

Rang Lubuak Aluang ka Pasa Usang,
Mambao ragi tapai jo lamang.
Manangih badan dirantau urang
Iyo taragak badan nak pulang.

 Singkarak kotonyo tinggi,
Sumanik mandado dulang.
Awan bararak den tangisi,
Badan jauah dirantau urang.

Read More